पळसनाथ प्राथमिक विद्यालयात आनंदी बाजार मेळाव्याचे आयोजन सासवड प्रतिनिधी: बापू मुळीक मुख्य संपादक पुरंदर प्राईम न्यूज: शैक्षणिक गुणवत्ता विकास उपक्रमातंर्गत पळसदेव तालुका इंदापूर येथील पळसनाथ पूर्व प्राथमिक आणि प्राथमिक विद्यालयात बाल आनंदी बाजार मेळाव्याचे आयोजन करण्यात आले होते. पुस्तकी ज्ञानाबरोबरच विद्यार्थ्यांना व्यावहारिक ज्ञान आत्मसात व्हावे , सामाजिक कौशल्यांचा विकास व्हावा तसेच आर्थिक व्यवस्थापन शिकता यावे यासाठी विद्यालयात आनंदी बाजार मेळाव्याचे केलेले आयोजन हा अतिशय स्तुत्य उपक्रम असून आनंदी बाजार मेळाव्यामधून विद्यार्थ्यांमध्ये आत्मविश्वास वाढतो व जबाबदारीची जाणीव होते आणि विविध शैक्षणिक मूल्य जोपासली जातात असे मत पळसनाथ शिक्षण प्रसारक मंडळाचे अध्यक्ष भूषण काळे यांनी बालआनंदी बाजार मेळाव्याच्या उद्घाटन प्रसंगी व्यक्त केले . यावेळी पळसनाथ शिक्षण प्रसारक मंडळाचे अध्यक्ष भूषण काळे सचिव योगिराज काळे ,संचालक राजेंद्र काळे , पळसनाथ विद्यालयाचे प्राचार्य विकास पाठक , संतोष पवार , प्राथमिक विद्यालयाच्या प्राचार्या सिद्धमा पाटील ,पळसदेवचे माजी सरपंच आजिनाथ पवार , रामदास पवार , मल्हारी काळे , संजय शेलार, मनोज खत्री , दिगंबर मरळे , प्रकाश भोसले यांसह गावातील प्रतिष्ठित नागरिक ,पालकवर्ग ,शिक्षक शिक्षकेत्तर , विद्यार्थी ग्रामस्थ उपस्थित होते . दरम्यान पूर्व प्राथमिक व प्राथमिक विद्यालयातील बालगोपाळांनी कांदे वांगी बटाटे मिरची कोथिंबीर पालक मेथी यासारख्या पालेभाज्या व फळभाज्या विविध प्रकारची फळे विक्रीस आणली होती. याशिवाय खाऊ गल्ली विभागांमध्ये वडापाव इडली सांबर पाणीपुरी चटकदार भेळ आदी प्रकारच्या खाद्यपदार्थाचे स्टॉल लावले होते . या मेळाव्यात बैलगाडी राईड हा सर्वांत जास्त आकर्षणाचा विषय ठरला . आनंदी बाजार मेळाव्यासाठी भेट दिलेल्या पालक ग्रामस्थ विद्यार्थ्यांनी सर्व पालेभाज्या वस्तूपदार्थांच्या खरेदीचा मनमुराद आनंद लुटला. बाजार मेळाव्यातील वस्तूंची खरेदी विक्री करताना या बाल गोपाळांच्या चेहऱ्यावरील आनंद ओसंडुन वाहत होता . पालक ग्रामस्थांच्या उत्स्फूर्त प्रतिसादामुळे या आनंदी बाजार मेळाव्यास आठवडे बाजाराचे स्वरूप प्राप्त झाले होते.आनंदी बाजार मेळावा संपन्न होण्यासाठी प्राथमिक विभागाच्या प्राचार्या सिद्धमा पाटील , रूपाली हिंगमिरे अरुणा काळे राधिका जाधव ,ललिता काळे पूजा सूर्यवंशी ,रेश्मा अडवाल , मदिना शेख ,सुवर्णा माने , अमोल मिसाळ सुरज काळे प्रशांत काळे यांनी नियोजन केले.